کد خبر: ۱۵۴۹
تعداد نظرات: ۱ نظر
تاریخ انتشار: ۱۳ شهريور ۱۳۹۴ - ۱۳:۲۵
سرویس هنری:
تا تونه نیسی من ای زندگی-نومشه باید بنم آوارگی-بی تو چقد پیزه در و دشت و کو-بی تو بده دونم و دونی بیو-درد چقد خوبه اگر ویچو بی-جی ده خدا توبه اگر ویچو بی-هم نفس شویل خوبو بیو-شو و مو وابی گل شو بو بیو...
" خبر نورآباد" - سرویس هنری:

 تا تونه نیسی من ای زندگی
نومشه باید بنم آوارگی
بی تو چقد پیزه در و دشت و کو
بی تو بده  دونم و دونی  بیو
درد چقد خوبه اگر ویچو بی
جی ده خدا توبه اگر ویچو بی
هم نفس شویل خوبو بیو
شو و مو وابی گل شو بو بیو
دلمه فراری نده تا تی تو بم
تا تو خدا بی و مو بند ی تو بم
خهک زر پاتم و حالم خشه
عمری و  تو بنالم خشه
دیری و دوسی نخشه زل بیو
رخت عروسینه کو زر گل بیو
تی تو چقد حال خشی داره دل
سی یه دقه سال خشی داره دل
هیچ کمونی مث برگل تو نی
تیر پرونی مث برگل تو نی
سی کو چقد سخته خدا  بی کسی
دیر خشی هر چه بری نیرسی
نسل خمو نسل زمین گیریه
اوج جوونی همه مو پیریه
سه تر و ای نسل ده نسلی نیا
بدتر و ای فصل ده فصلی نیا
درد تو من دلمه خدایا    خشه
درد تو درمون و دوای ای لشه
ریته کو ویلت که پسین  وانبو
جیگر خین نیده و خین وانبو
من پر و پی نوم خدا ایزنی
پازن و دم ریته قلا ایزنی
سر خشکی سیچه عصا ایزنی
نی چته خرمنته جدا ایزنی  
فکری و ای حال دلم نیکنی     
خرد و خمیرم وو ولم نیکنی
حونمه تش زی وو خوت ویسادیه
مثل یه بغضی م بت ویسادیه
آخر و ای شهر خراب  ایروم
جیگرم وابید کباب  ایروم
یار خدافظ غزلت کشتمه
بدتر و شو رنگ پلت   کشتمه
رفتم و ایرم وو قسم ایخرم
نیترم و نیترم و نیترم
مطالب مرتبط
نسخه چاپی
ارسال به دوستان
غیر قابل انتشار: ۰
در انتظار بررسی: ۰
انتشار یافته: ۱
حسن
|
Iran, Islamic Republic of
|
۰۳:۵۰ - ۱۳۹۶/۰۹/۱۸
0
0
واقعا که شعر هم جایگاه شو از دست داده و هرکی میرسه یه چرت و پرت بی معنی نیم سطر نیم سطر مینویسه میگه شعر گفتم و بعضی ادم بیسواد هم به به و چهچه راه می ندازن شاعر خوش ذوق. فلانی
نظرشما
نام:
ایمیل:
با وارد کردن ایمیل، انتشار یا عدم انتشار این نظر به صورت خودکار اطلاع داده خواهد شد.
* نظر: